Yaelekea WCB wameamua kujikita kwenye kujipanua na kukuza vipaji. Baada ya kupata mafanikio kupitia kwa Harmonize, sasa ni zamu ya Raymond. Atoke vipi? Kwa kutizama mazingira vizuri. Siku hizi ukitaka kutoka unafanyaje? Moja ni kupaisha kipaji chako. Mbili ni “Kutafuta Kiki”.
Unaibua issue. Unaongelewa. Instagram na Facebook zinakuwa na hashtag la beef lako. Mitaani watu wakikosa cha kuongelea, jina lako linaokoa jahazi.Mazungumzo yanaendelea.
Ila tatizo moja ninaloliona mara kwa mara kwenye hizi “kiki” ni kwamba kwanza hazina uhusiano na kipato. Kuzungumziwa, kutukanwa au kudhadhalilishwa na bila kuelekea kwa teller(bank) ni upuuzi. Pili ni kwamba unapotafuta “kiki” unahatarisha pia kujipotezea kabisa mashabiki.
Msikilize Raymond akielezea jinsi Kiki zinavyotafutwa au kupatikana. Audio By ChokaMusic