Miongoni mwa wasanii wa muziki wa kizazi kipya Tanzania ambao tunaweza kukubaliana kwamba wana kipaji cha uimbaji, Rich Mavoko hatuwezi kumweka pembeni. Kipaji anacho. Haishangazi kwamba WCB hivi karibuni wamemuongeza katika orodha yao inayozidi kukua ya wasanii walio chini ya label hiyo.
Huu hapa ni wimbo wa kwanza wa Rich Mavoko akiwa chini ya WCB. Unaitwa Ibaki Story. Pamoja na kipaji cha Mavoko, kitu kimoja ambacho kinaanza kuwa changamoto kwa WCB ni videos. Takribani zote zinafanana. Kuna theme ambayo inaonekana katika video nyingi za hivi karibuni kutoka WCB. Yawezekana ndivyo soko la leo linavyotaka. Binafsi nadhani ubunifu zaidi na utofauti kutoka video moja kwenda nyingine utasaidia lebo hiyo kuendelea kupasua mawimbi kwa mbali zaidi.